Month: August 2020

முதலில் மனச்சாட்சியின் மூக்கை பொத்தினேன்
பொங்கும் குரூரத்துடன்
அதன் திணறலை ரசித்தபடி
மெல்ல மெல்ல ஆமையாகினேன்.

சரியேதுமற்ற
பிழையேதுமற்ற
கணப்பொழுதுகளில்
ஒரு சன்னதத்தைத் தவிர்க்கத்
திராணியற்றுதிரும்
துயரே
உன்னை
எழுதிச் செல்கிறேன்
வெறும்பாடலை அவள்
பாடும் பொருட்டு

நெடும்பாதையெங்கும்
துயர்செறிய தேடித்திரிந்தேன்
கருமிதழ் சொரியும்
முத்தங்களும்
எச்சில் துளிகளும்
அன்றிக்
காய்ந்துபோயிற்று
நினைவூறித் திரும்பல் கொள்கையில்
தென்பட்டதென்னவோ
கருக்கு
மட்டைகளுக்கடியில்
விரிகிற
மசுக்குட்டிகளால் கட்டுண்டவொரு
சிறு உலகம்.