முன்னொருபோதும் தொடப்படாததுபோல
 சிலிர்த்ததுன் உடல் - நம்பினேன்...
 இடமெல்லாம் இதழ் படப்பட முனகினாய்
 இன்றுதான் முதன்முறை என்பதாய். 
 எவருனையெடுத்துக் கிளர்த்தியதையோ 
 தம்முள் பூவிரல்
 நுழைய அனுமதித்ததையோ மறைத்தாய்  
 பொய்யுரைக்காதும்
 உண்மையை நெருங்காதும்   
 காதலில் 
 தாமரையிலை நீர் போல் 
 பட்டும் படாமலும் கற்றேன்
 இ(ல்லாதி)ருத்தலை.
 பிறகெல்லாம்
 முன்னொருபோதும் தொடப்படாததுபோல
 சிலிர்த்தது உடல் - நம்பினான்
 ‘நாளையும் வருவாயா 
 நாம் விளையாட’
 என்றவன்
 0
  

கற்பகம் யசோதர. 
[மே 2014]