Month: October 2021

இந்த தேசம் வஞ்சம், ஒருங்கிணைப்பு, இனப்படுகொலை மற்றும் வெள்ளை மேலாதிக்கத்தின் மீது கட்டப்பட்டது. இந்த உண்மையை மறைக்கிற கனேடிய அரசாங்கத்திடமிருந்து, பொறுப்பெடுக்குமாறு அழைக்கும் எதிர்ப்புக் குரல்களுக்கு பதிலாய், பலவீனமான மன்னிப்புகளும் உறுதியான மாற்றத்தை கொண்டுவராத தற்காலிக விசாரணைகளுமே ஏராளமாக வருகின்றன.

எனக்கு பெண் தற்பாலீர்ப்பாளர்கள்
செவ்விந்தியர்களை நினைவுபடுத்துகிறார்கள்
செவ்விந்தியரைப் போலவே
தற்பாலீர்ப்பாளரும் அழிந்துபோய்விட வேண்டியவர்கள்
அல்லது மறக்கப்படவேண்டியவர்கள்
அல்லது
அனுதினமும் குடிபோதையிலோ
உடைந்து சிதறுண்டவோ
தாம் போகாவிட்டால்
தமக்கு என்னாகும் என்பதை நினைவுறுத்தி
ஏதுமற்ற எங்கோவோரிடம்
போய்த் துலைய வேண்டியவர்கள்

என்றாலும்
அவர்கள் அப்படி ஒன்றும் செய்து விடுவதில்லை
மிக மோசமானது நடக்கின்றபோதும்
அதை அவர்கள் நினைவில் வைத்தவாறும்
தொடர்ந்தும் அங்கிருக்கவே செய்கிறார்கள்